Passage 1

ब्रह्मात्रिरविसवितृभार्गवा ऋषयः । गायत्रीत्रिष्टुबनुष्टुप् छन्दांसि ।

श्रीमान् हयग्रीवः परमात्मा देवतेति । ह्लौ(ह्सौ)मिति बीजम् ।

सोऽहमिति शक्तिः । ह्लू(ह्सौ)मिति कीलकम् । भोगमोक्षयोर्विनियोगः ।

अकारोकारमकारैरङ्गन्यासः । ध्यानम् ।

शङ्खचक्रमहामुद्रापुस्तकाढ्यं चतुर्भुजम् ।

सम्पूर्णचन्द्रसंकाशं हयग्रीवमुपास्महे ॥

brahmātriravisavitṛbhārgavā ṛṣayaḥ | gāyatrītriṣṭubanuṣṭup chandāṃsi | śrīmān hayagrīvaḥ paramātmā devateti | hlau(hsau)miti bījam | so'hamiti śaktiḥ | hlū(hsau)miti kīlakam | bhogamokṣayorviniyogaḥ | akārokāramakārairaṅganyāsaḥ | dhyānam | śaṅkhacakramahāmudrāpustakāḍhyaṃ caturbhujam | sampūrṇacandrasaṃkāśaṃ hayagrīvamupāsmahe ||