Passage 2

हयग्रीवैकाक्षरेण ब्रह्मविद्यां प्रवक्ष्यामि । ब्रह्मा

महेश्वराय महेश्वरः संकर्षणाय संकर्षणो नारदाय

नारदो व्यासाय व्यासो लोकेभ्यः प्रायच्छदिति

हकारोंसकारोमकारों त्रयमेकस्वरूपं भवति । ह्लौं(ह्सौं)

बीजाक्षरं भवति । बीजाक्षरेण ह्लौं(ह्सौं) रूपेण तज्जापकानां

सम्पत्सारस्वतौ भवतः । तत्स्वरूपज्ञानां वैदेही

मुक्तिश्च भवति । दिक्पालानां राज्ञां नागानां

किन्नराणामधिपतिर्भवति । हयग्रीवैकाक्षरजपशीलाज्ञया

सूर्यादयः स्वतः स्वस्वकर्मणि प्रवर्तन्ते । सर्वेषां

बीजानां हयग्रीवैकाक्षरबीजमनुत्तमं मन्त्रराजात्मकं

भवति । ह्लौं(ह्सौं) हयग्रीवस्वरूपो भवति । अमृतं कुरु कुरु स्वाहा ।

तज्जापकानां वाक्सिद्धिः श्रीसिद्धिरष्टाङ्गयोगसिद्धिश्च

भवति । ह्लौं(ह्सौं) सकलसाम्राज्येन सिद्धिं कुरु कुरु स्वाहा ।

तानेतान्मन्त्रान्यो वेद अपवित्रः पवित्रो भवति । अब्रह्मचारी

सुब्रह्मचारी भवति । अगम्यागमनात्पूतो भवति । पतितसम्भाषणात्पूतो

भवति । ब्रह्महत्यादिपातकैर्मुक्तो भवति । गृहं ऋहपतिरिव

देही देहान्ते परमात्मानं प्रविशति । प्रज्ञानमानन्दं ब्रह्म

तत्त्वमसि अयमात्मा ब्रह्म अहं ब्रह्मास्मीति महावाक्यैः

प्रतिपादितमर्थं त एते मन्त्राः प्रतिपादयन्ति ।

स्वरव्यञ्जनभेदेन द्विधा एते । अथानुमन्त्राञ्जपति ।

hayagrīvaikākṣareṇa brahmavidyāṃ pravakṣyāmi | brahmā maheśvarāya maheśvaraḥ saṃkarṣaṇāya saṃkarṣaṇo nāradāya nārado vyāsāya vyāso lokebhyaḥ prāyacchaditi hakāroṃsakāromakāroṃ trayamekasvarūpaṃ bhavati | hlauṃ(hsauṃ) bījākṣaraṃ bhavati | bījākṣareṇa hlauṃ(hsauṃ) rūpeṇa tajjāpakānāṃ sampatsārasvatau bhavataḥ | tatsvarūpajñānāṃ vaidehī muktiśca bhavati | dikpālānāṃ rājñāṃ nāgānāṃ kinnarāṇāmadhipatirbhavati | hayagrīvaikākṣarajapaśīlājñayā sūryādayaḥ svataḥ svasvakarmaṇi pravartante | sarveṣāṃ bījānāṃ hayagrīvaikākṣarabījamanuttamaṃ mantrarājātmakaṃ bhavati | hlauṃ(hsauṃ) hayagrīvasvarūpo bhavati | amṛtaṃ kuru kuru svāhā | tajjāpakānāṃ vāksiddhiḥ śrīsiddhiraṣṭāṅgayogasiddhiśca bhavati | hlauṃ(hsauṃ) sakalasāmrājyena siddhiṃ kuru kuru svāhā | tānetānmantrānyo veda apavitraḥ pavitro bhavati | abrahmacārī subrahmacārī bhavati | agamyāgamanātpūto bhavati | patitasambhāṣaṇātpūto bhavati | brahmahatyādipātakairmukto bhavati | gṛhaṃ ṛhapatiriva dehī dehānte paramātmānaṃ praviśati | prajñānamānandaṃ brahma tattvamasi ayamātmā brahma ahaṃ brahmāsmīti mahāvākyaiḥ pratipāditamarthaṃ ta ete mantrāḥ pratipādayanti | svaravyañjanabhedena dvidhā ete | athānumantrāñjapati |