Khaṇḍa 1, recitational unit

ॐ अथ पुरुषो ह वै नारायणोऽकामयत प्रजाः सृजेयेति ।

नारायणात्प्राणो जायते मनः सर्वेन्द्रियाणि च ।

खं वायुर्ज्योतिरापः पृथिवी विश्वस्य धारिणी ।

नारायणाद्ब्रह्मा जायते । नारायणाद्रुद्रो जायते ।

नारायणादिन्द्रो जायते । नारायणात्प्रजापतिः प्रजायते ।

नारायणाद्द्वादशादित्या रुद्रा वसवः सर्वाणि छन्दांसि ।

नारायणादेव समुत्पद्यन्ते । नारायणात्प्रवर्तन्ते । नारायणे प्रलीयन्ते ।

एतदृग्वेदशिरोऽधीते ॥

oṃ atha puruṣo ha vai nārāyaṇo'kāmayata prajāḥ sṛjeyeti |

nārāyaṇātprāṇo jāyate manaḥ sarvendriyāṇi ca |

khaṃ vāyurjyotirāpaḥ pṛthivī viśvasya dhāriṇī |

nārāyaṇādbrahmā jāyate | nārāyaṇādrudro jāyate |

nārāyaṇādindro jāyate | nārāyaṇātprajāpatiḥ prajāyate |

nārāyaṇāddvādaśādityā rudrā vasavaḥ sarvāṇi chandāṃsi |

nārāyaṇādeva samutpadyante | nārāyaṇātpravartante | nārāyaṇe pralīyante |

etadṛgvedaśiro'dhīte ||