Khaṇḍa 4, recitational unit
ContentsText
प्रत्यगानन्दं ब्रह्मपुरुषं प्रणवस्वरूपम् । अकार उकारो मकार इति ।
ता अनेकधा समभरत्तदेतदोमिति यमुक्त्वा मुच्यते योगी जन्मसंसारबन्धनात् ।
ॐ नमो नारायणायेति मन्त्रोपासको वैकुण्ठभुवनं गमिष्यति ।
तदिदं पुण्डरीकं विज्ञानघनं । तस्मात्तडिदाभमात्रम् ।
ब्रह्मण्यो देवकीपुत्रो ब्रह्मण्यो मधुसूदनः ।
ब्रह्मण्यः पुण्डरीकाक्षो ब्रह्मण्यो विष्णुरच्युत इति ।
सर्वभूतस्थमेकं वै नारायणं कारणपुरुषमकारणं परं ब्रह्म ओम् ।
एतदथर्वशिरो योऽधीते ॥
Transliteration
pratyagānandaṃ brahmapuruṣaṃ praṇavasvarūpam | akāra ukāro makāra iti |
tā anekadhā samabharattadetadomiti yamuktvā mucyate yogī janmasaṃsārabandhanāt |
oṃ namo nārāyaṇāyeti mantropāsako vaikuṇṭhabhuvanaṃ gamiṣyati |
tadidaṃ puṇḍarīkaṃ vijñānaghanaṃ | tasmāttaḍidābhamātram |
brahmaṇyo devakīputro brahmaṇyo madhusūdanaḥ |
brahmaṇyaḥ puṇḍarīkākṣo brahmaṇyo viṣṇuracyuta iti |
sarvabhūtasthamekaṃ vai nārāyaṇaṃ kāraṇapuruṣamakāraṇaṃ paraṃ brahma om |
etadatharvaśiro yo'dhīte ||