Atomic segment 7

एतदेव ब्रह्मापि सर्वज्ञं महामायं महाविभूत्येतदेवोग्रमेतद्धि महाविभूत्येतदेव वीरमेतद्धि महाविभूत्यतदेव महदेतद्धि महाविभूत्येतदेव विष्ण्वेतद्धि महाविभूत्येतदेव ज्वलदेतद्धि महाविभूत्येतदेव सर्वतोमुखमेतद्धि महाविभूत्येतदेव नृसिंहमेतद्धि महाविभूत्येतदेव भीषणमेतद्धि महाविभूत्येतदेव भद्रमेतद्धि महाविभूत्येतदेव मृत्युमृत्य्वेतद्धि महाविभूत्येतदेव नमाम्येतद्धि महाविभूत्येतदेवाहमेतद्धि महाविभूति तस्मादकारोकाराभ्यामिममात्मानमाप्ततममुत्कृष्टतमं चिन्मात्रं सर्वद्रष्टारं सर्वसाक्षिणं सर्वग्रासं सर्वप्रेमास्पदं सच्चिदानन्दमात्रमेकरसं पुरतोऽस्मात्सर्वस्मात्सुविभातमन्विष्याप्ततममुत्कृष्टतमं महामायं महाविभूति सच्चिदानन्दमात्रमेकरसं पुरमेव ब्रह्म मकारेण जानीयादात्मैव नृसिंहो देवः परमेव ब्रह्म भवति य एवं वेद

etadeva brahmāpi sarvajñaṃ mahāmāyaṃ mahāvibhūtyetadevogrametaddhi mahāvibhūtyetadeva vīrametaddhi mahāvibhūtyatadeva mahadetaddhi mahāvibhūtyetadeva viṣṇvetaddhi mahāvibhūtyetadeva jvaladetaddhi mahāvibhūtyetadeva sarvatomukhametaddhi mahāvibhūtyetadeva nṛsiṃhametaddhi mahāvibhūtyetadeva bhīṣaṇametaddhi mahāvibhūtyetadeva bhadrametaddhi mahāvibhūtyetadeva mṛtyumṛtyvetaddhi mahāvibhūtyetadeva namāmyetaddhi mahāvibhūtyetadevāhametaddhi mahāvibhūti tasmādakārokārābhyāmimamātmānamāptatamamutkṛṣṭatamaṃ cinmātraṃ sarvadraṣṭāraṃ sarvasākṣiṇaṃ sarvagrāsaṃ sarvapremāspadaṃ saccidānandamātramekarasaṃ purato'smātsarvasmātsuvibhātamanviṣyāptatamamutkṛṣṭatamaṃ mahāmāyaṃ mahāvibhūti saccidānandamātramekarasaṃ purameva brahma makāreṇa jānīyādātmaiva nṛsiṃho devaḥ parameva brahma bhavati ya evaṃ veda