Passage 1.8

वायुप्त्रेणोक्तास्ते योगीन्द्रा ऋषयो विष्णुभक्ताः

हनूमन्तं पप्रच्छुः रामस्याङ्गानि नो ब्रूहीति ।

हनूमान्होवाच । वायुपुत्रं विघ्नेशं वाणीं दुर्गां

क्षेत्रपालकं सूर्यं चन्द्रं नारायणं नारसिंहं

वायुदेवं वाराहं तत्सर्वान्त्समात्रान्त्सीतं लक्ष्मणं

शत्रुघ्नं भरतं विभीषणं सुग्रीवमङ्गदं

जाम्बवन्तं प्रणवमेतानि रामस्याङ्गानि जानीथाः ।

तान्यङ्गानि विना रामो विघ्नकरो भवति ।

पुनर्वायुपुत्रेणोक्तास्ते हनूमन्तं पप्रच्छुः ।

आञ्जनेय महाबल विप्राणां गृहस्थानां प्रणवाधिकारः

कथं स्यादिति । स होवाच श्रीराम एवोवाचेति । येषामेव

षडक्षराधिकारो वर्तते तेषां प्रणवाधिकारः स्यान्नान्येषाम् ।

केवलमकारोकारमकारार्धमात्रासहितं प्रणवमूह्य

यो राममन्त्रं जपति तस्य शुभकरोऽहं स्याम् । तस्य

प्रणवस्थाकारस्योकारस्य मकरास्यार्धमात्रायाश्च

ऋषिश्छन्दो देवता तत्तद्वर्णावर्णावस्थानं

स्वरवेदाग्निगुणानुच्चार्यान्वहं प्रणवमन्त्रद्द्विगुणं

जप्त्वा पश्चाद्राममन्त्रं यो जपेत् स रामो भवतीति

रामेणोक्तास्तस्माद्रामाङ्गं प्रणवः कथित इति ॥

vāyuputreṇoktāste yogīndrā ṛṣayo viṣṇubhaktāḥ

hanūmantaṃ papracchuḥ rāmasyāṅgāni no brūhīti |

hanūmānhovāca | vāyuputraṃ vighneśaṃ vāṇīṃ durgāṃ

kṣetrapālakaṃ sūryaṃ candraṃ nārāyaṇaṃ nārasiṃhaṃ

vāyudevaṃ vārāhaṃ tatsarvān mantrān sītāṃ lakṣmaṇaṃ

śatrughnaṃ bharataṃ vibhīṣaṇaṃ sugrīvamaṅgadaṃ

jāmbavantaṃ praṇavametāni rāmasyāṅgāni jānīthāḥ |

tānyaṅgāni vinā rāmo vighnakaro bhavati |

punarvāyuputreṇoktāste hanūmantaṃ papracchuḥ |

āñjaneya mahābala viprāṇāṃ gṛhasthānāṃ praṇavādhikāraḥ

kathaṃ syāditi | sa hovāca śrīrāma evovāceti | yeṣāmeva

ṣaḍakṣarādhikāro vartate teṣāṃ praṇavādhikāraḥ syānnānyeṣām |

kevalamakārokāramakārārdhamātrāsahitaṃ praṇavamūhya

yo rāmamantraṃ japati tasya śubhakaro'haṃ syām | tasya

praṇavasthākārasyokārasya makārasyārdhamātrāyāśca

ṛṣiśchando devatā tattadvarṇāvarṇāvasthānaṃ

svaravedāgniguṇānuccāryānvahaṃ praṇavamantrāddviguṇaṃ

japtvā paścādrāmamantraṃ yo japet sa rāmo bhavatīti

rāmeṇoktāstasmādrāmāṅgaṃ praṇavaḥ kathita iti ||