Passage 5.17

य इमामुपनिषदमधीते सोऽग्निपूतो भवति ।

स वायुपूतो भवति । सुरापानात्पूतो भवति ।

स्वर्णस्तेयात्पूतो भवति । ब्रह्महत्यापूतो भवति ।

स राममन्त्राणां कृतपुरश्चरणो रामचन्द्रो भवति ।

तदेतदृचाभ्युक्तम् ।

सदा रामोऽहमस्मीति तत्त्वतः प्रवदन्ति ये ।

न ते संसारिणो नूनं राम एव न संशयः ॥ ॐ सत्यमित्युपनिषत् ॥

ya imāmupaniṣadamadhīte so'gnipūto bhavati |

sa vāyupūto bhavati | surāpānātpūto bhavati |

svarṇasteyātpūto bhavati | brahmahatyāpūto bhavati |

sa rāmamantrāṇāṃ kṛtapuraścaraṇo rāmacandro bhavati |

tadetadṛcābhyuktam |

sadā rāmo'hamasmīti tattvataḥ pravadanti ye |

na te saṃsāriṇo nūnaṃ rāma eva na saṃśayaḥ || oṃ satyamityupaniṣat ||