Passage 26
ContentsText
अथ खलु सौम्येदं परिव्राज्यं नैष्ठिकमात्मधर्मं
यो विजहाति स वीरहा भवति ।
स ब्रह्महा भवति ।
स भ्रूणहा भवति ।
स महापातकी भवति ।
य इमां वैष्णवीं निष्ठां परित्यज्यति ।
स स्तेनो भवति ।
स गुरुतल्पगो भवति ।
स मित्रध्रुग्भवति ।
स कृतघ्नो भवति ।
स सर्वस्माल्लोकात्प्रच्युतो भवति ।
तदेतदृचाभ्युक्तम् ।
स्तेनः सुरापो गुरुतल्पगामी मित्रध्रुगेते निष्कृतेर्यान्ति शुद्धिम् ।
व्यक्तमव्यक्तं वा विधृतं विष्णुलिङ्गं त्यजन्न शुद्ध्येदखिलैरात्मभासा ॥ २६ ॥
Transliteration
atha khalu saumyedaṃ parivrājyaṃ naiṣṭhikamātmadharmaṃ
yo vijahāti sa vīrahā bhavati |
sa brahmahā bhavati |
sa bhrūṇahā bhavati |
sa mahāpātakī bhavati |
ya imāṃ vaiṣṇavīṃ niṣṭhāṃ parityajyati |
sa steno bhavati |
sa gurutalpago bhavati |
sa mitradhrugbhavati |
sa kṛtaghno bhavati |
sa sarvasmāllokātpracyuto bhavati |
tadetadṛcābhyuktam |
stenaḥ surāpo gurutalpagāmī mitradhrugete niṣkṛteryānti śuddhim |
vyaktamavyaktaṃ vā vidhṛtaṃ viṣṇuliṅgaṃ tyajanna śuddhyedakhilairātmabhāsā || 26 ||