Passage 33

अथ खलु सौम्येमं सनातनमात्मधर्मं वैष्णवीं

निष्ठां नासमाप्य प्रब्रूयात् ।

नानूचानाय नानात्मविदे नावीतरागाय नाविशुद्धाय नानुपसन्नाय

नाप्रयतमानसायेति ह स्माहुः ।

तदेतदृचाभ्युक्तम् ।

विद्या ह वै ब्राह्मणमाजगाम गोपाय मां शेवधिष्टेऽहमस्मि ।

असूयकायानृजवे शठाय मा मा ब्रूया वीर्यवती तथा स्याम् ॥ ३३ ॥

atha khalu saumyemaṃ sanātanamātmadharmaṃ vaiṣṇavīṃ

niṣṭhāṃ nāsamāpya prabrūyāt |

nānūcānāya nānātmavide nāvītarāgāya nāviśuddhāya nānupasannāya

nāprayatamānasāyeti ha smāhuḥ |

tadetadṛcābhyuktam |

vidyā ha vai brāhmaṇamājagāma gopāya māṃ śevadhiṣṭe'hamasmi |

asūyakāyānṛjave śaṭhāya mā mā brūyā vīryavatī tathā syām || 33 ||