Passage 10.1

अथ हैनं रैक्वः पप्रच्छ भगवन्कस्मिन्सर्वे संप्रतिष्ठिता भवन्तीति रसातललोकेष्विति होवाच कस्मिन्रसातललोका ओताश्च प्रोताश्चेति भूर्लोकेष्विति होवाच । कस्मिन्भूर्लोका ओताश्च प्रोताश्चेति भुवर्लोकेष्विति होवाच । कस्मिन्भुवर्लोका ओताश्च प्रोताश्चेति सुवर्लोकेष्विति होवाच । कस्मिन्सुवर्लोका ओताश्च प्रोताश्चेति महर्लोकेष्विति होवाच । कस्मिन्महर्लोका ओताश्च प्रोताश्चेति जनोलोकेष्विति होवाच ।

atha hainaṃ raikvaḥ papraccha bhagavankasminsarve saṃpratiṣṭhitā bhavantīti rasātalalokeṣviti hovāca kasminrasātalalokā otāśca protāśceti bhūrlokeṣviti hovāca | kasminbhūrlokā otāśca protāśceti bhuvarlokeṣviti hovāca | kasminbhuvarlokā otāśca protāśceti suvarlokeṣviti hovāca | kasminsuvarlokā otāśca protāśceti maharlokeṣviti hovāca | kasminmaharlokā otāśca protāśceti janolokeṣviti hovāca |