Prose 7.1

अन्तःशरीरे निहितो गुहायामज एको नित्यो यस्य पृथिवी शरीरं यः पृथिवीमन्तरे संचरन् यं पृथिवी न वेद । यस्यापः शरीरं योऽपोन्तरे संचरन्यमापो न विदुः । यस्य तेजः शरीरं यस्तेजोन्तरे संचरन् यं तेजो न वेद । यस्य वायुः शरीरं यो वायुमन्तरे संचरन् य वायुर्न वेद । यस्याकाशः शरीरं य आकाशमन्तरे संचरन् यमाकाशो न वेद । यस्य मनः शरीरं यो मनोन्तरे संचरन् यं मनो न वेद। यस्य बुद्धिः शरीरं यो बुद्धिमन्तरे संचरन् यं बुद्धिर्न वेद ।

antaḥśarīre nihito guhāyāmaja eko nityo yasya pṛthivī śarīraṃ yaḥ pṛthivīmantare saṃcaran yaṃ pṛthivī na veda | yasyāpaḥ śarīraṃ yo'pontare saṃcaranyamāpo na viduḥ | yasya tejaḥ śarīraṃ yastejontare saṃcaran yaṃ tejo na veda | yasya vāyuḥ śarīraṃ yo vāyumantare saṃcaran ya vāyurna veda | yasyākāśaḥ śarīraṃ ya ākāśamantare saṃcaran yamākāśo na veda | yasya manaḥ śarīraṃ yo manontare saṃcaran yaṃ mano na veda| yasya buddhiḥ śarīraṃ yo buddhimantare saṃcaran yaṃ buddhirna veda |