Mantra 2.8.1

भी॒षाऽस्मा॒द्वातः॑ पवते । भी॒षोदे॑ति॒ सूर्यः॑ ।

भीषाऽस्मादग्नि॑श्चेन्द्र॒श्च । मृत्युर्धावति पञ्च॑म इ॒ति ।

सैषाऽऽनन्दस्य मीमा॑ꣳसा भ॒वति ।

युवा स्यात्साधुयु॑वाऽध्या॒यकः ।

आशिष्ठो दृढिष्ठो॑ बलि॒ष्ठः ।

तस्येयं पृथिवी सर्वा वित्तस्य॑ पूर्णा॒ स्यात् ।

स एको मानुष॑ आन॒न्दः । ते ये शतं मानुषा॑ आन॒न्दाः ॥ १॥

bhī̱ṣā'smā̱dvāta̭ḥ pavate | bhī̱ṣodḙti̱ sūrya̭ḥ |

bhīṣā'smādagni̭ścendra̱śca | mṛtyurdhāvati pañca̭ma i̱ti |

saiṣā''nandasya mīmā̭m̐sā bha̱vati |

yuvā syātsādhuyṷvā'dhyā̱yakaḥ |

āśiṣṭho dṛḍhiṣṭho̭ bali̱ṣṭhaḥ |

tasyeyaṃ pṛthivī sarvā vittasya̭ pūrṇā̱ syāt |

sa eko mānuṣa̭ āna̱ndaḥ | te ye śataṃ mānuṣā̭ āna̱ndāḥ || 1||