Taittirīya Upaniṣad
Mantra 3.10.1
ContentsText
न कञ्चन वसतौ प्रत्या॑चक्षी॒त । तद्॒व्रतम् ।
तस्माद्यया कया च विधया बह्व॑न्नं प्रा॒प्नुयात् ।
अराध्यस्मा अन्नमि॑त्याच॒क्षते ।
एतद्वै मुखतो᳚ऽन्नꣳ रा॒द्धम् ।
मुखतोऽस्मा अ॑न्नꣳ रा॒ध्यते ।
एतद्वै मध्यतो᳚ऽन्नꣳ रा॒द्धम् ।
मध्यतोऽस्मा अ॑न्नꣳ रा॒ध्यते ।
एदद्वा अन्ततो᳚ऽ॑न्नꣳ रा॒द्धम् ।
अन्ततोऽस्मा अ॑न्न॑ रा॒ध्यते ॥ १॥
Transliteration
na kañcana vasatau pratyā̭cakṣī̱ta | taḏvratam |
tasmādyayā kayā ca vidhayā bahva̭nnaṃ prā̱pnuyāt |
arādhyasmā annami̭tyāca̱kṣate |
etadvai mukhato᳚'nnam̐ rā̱ddham |
mukhato'smā a̭nnam̐ rā̱dhyate |
etadvai madhyato᳚'nnam̐ rā̱ddham |
madhyato'smā a̭nnam̐ rā̱dhyate |
edadvā antato᳚'̭nnam̐ rā̱ddham |
antato'smā a̭nna̭ rā̱dhyate || 1||