Mantra 3.8.1

अन्नं॒ न परि॑चक्षीत । तद्॒व्रतम् । आपो॒ वा अन्न॑म् ।

ज्योति॑रन्ना॒दम् । अ॒प्सु ज्योतिः॒ प्रति॑ष्ठितम् ।

ज्योति॒ष्यापः॒ प्रति॑ष्ठिताः । तदे॒तदन्न॒मन्ने॒ प्रति॑ष्ठितम् ।

स य ए॒तदन्न॒मन्ने॒ प्रति॑ष्ठितं॒ वेद॒ प्रति॑तिष्ठति ।

अन्न॑वानन्ना॒दो भ॑वति । म॒हान्भ॑वति प्र॒जया॑

प॒शुभि॑र्ब्रह्मवर्च॒सेन॑ । म॒हान् की॒र्त्या ॥ १॥

anna̱ṃ na pari̭cakṣīta | taḏvratam | āpo̱ vā anna̭m |

jyoti̭rannā̱dam | a̱psu jyoti̱ḥ prati̭ṣṭhitam |

jyoti̱ṣyāpa̱ḥ prati̭ṣṭhitāḥ | tade̱tadanna̱manne̱ prati̭ṣṭhitam |

sa ya e̱tadanna̱manne̱ prati̭ṣṭhita̱ṃ veda̱ prati̭tiṣṭhati |

anna̭vānannā̱do bha̭vati | ma̱hānbha̭vati pra̱jayā̭

pa̱śubhi̭rbrahmavarca̱sena̭ | ma̱hān kī̱rtyā || 1||