Passage 1.14

शरीरान्तर्गताः सर्वे रोगा विनश्यन्ति । विषाणि जीर्यन्ते । येन केनासनेन सुखधारणं भवत्यशक्तस्तत्समाचरेत् । येनासनं विजितं जगत्त्रयं तेन विजितं भवति । यमनियमाभ्यां संयुक्तः पुरुषः प्राणायामं चरेत् । तेन नाड्यः शुद्धा भवन्ति ॥ ३॥

śarīrāntargatāḥ sarve rogā vinaśyanti | viṣāṇi jīryante | yena kenāsanena sukhadhāraṇaṃ bhavatyaśaktastatsamācaret | yenāsanaṃ vijitaṃ jagattrayaṃ tena vijitaṃ bhavati | yamaniyamābhyāṃ saṃyuktaḥ puruṣaḥ prāṇāyāmaṃ caret | tena nāḍyaḥ śuddhā bhavanti || 3||